Helse og familie

Eining Helse-Familie hadde i 2018 med tilkallingsvikarane om lag 85 tilsette med 13-14 ulike yrkes og faggrupper (sjå tabell under).

Bildet: Enhetsleder Iren Stranden

Politiske vedtak:·

• Fræna plan og økonomiutval sa ja til å vaksinere russen 2018 mot hjernehinnebetennelse
• Fræna kommunestyre vedtar at akuttberedskap i barnevernstenesta skal på plass i Fræna kommune i løpet av 2018.
• Fræna kommunestyre gjekk inn for å fornye avtalen med fastlegane og vedtok endring av driftsform ved Torget legekontor A/S.

Prosjekt:

• Utvikling og styrking av helsestasjons- og skolehelsetenesta – prosjekt på andre året.
• Frisklivsentralen har prosjektmidlar i høve gruppetilbod barn og unge.

Andre tilbod:

• Tverrfagleg Råd hadde 7 møte i 2018 - av desse var 2 besøk i barnehagar i kommunen og eit skolebesøk. Saker som kom til rådet var meldt frå barnehagar/skolar..
• Psykososialt kriseteam. Hadde i 2018 fire faste møte i samsvar med rutinebeskrivinga. Teamet var i tillegg involvert i fire einskildsaker der medlemmer av teamet var involvert.

Leverte tenester:

Det blei fødd 110 nye barn i Fræna i 2017.

• Jordmor har starta opplæring i NBO (NewbornbehaviouralObservasion)
• Jordmor har utarbeidd prosedyre for bruk av EPDS, tweak og vold i nære relasjonar.

• Helsestasjonen 0 – 5 år følgjer no alle konsultasjonane jfr vegleiar
• Vi har gitt eit nytt fast gruppetilbod til alle barn født frå januar 2018
• Vi har i 2018 gitt COS-P (tryggleiksirkelen) til to grupper, ein i Elnesvågen på dagtid og ein i Bud på ettermiddag.
• Vi har arrangert eit HOPP Friskus kurs over fem kurskveldar for småbarnsforeldre, samarbeid med frisklivsentral
• Samarbeid med BUP, ytre team. Faste møte 1 gong pr. mnd. Lavterskeltilbod.

• Helsesøster har faste møte med barnehagane og barnevernstenesta 2x pr år.

Forbetringar:

• Vi får nå elektroniske dialogmeldingar frå sjukehuset om fødsel og venta utreisedato.
• Kompetanseheving for helsesøster/jordmor ved deltaking i prosjekt: «Tidlig inn» Målet er å komme tidleg inn i høve vanskar knytt til psykisk helse, rusmiddel og vald i nære relasjonar.

Utfordringar:

• Det er sårbart med ei jordmor i høve feriar og anna fråvere
• Manglande tilbod til familiar og barn der det er behov for meir enn den vanlege rutinekontrollane og oppfølging over tid

• Sesonginfluensa - vaksinering, har sett 674 vaksiner
• I 2018 er det gitt HPV-vaksine til 161 jenter født i 1991 og seinere. Tenesta vil få refundert kr.200,- pr sette vaksine.

Hendingar:

• Fræna legekontor har stabil legedekning. Legevaktsamarbeidet går godt.
• Frå 01.06.2018 blei Torget legekontor ein del av Fræna legekontor, men har framleis tilhald på Torget sine lokale. I september blei det tilsett ny lege – det er i dag to leger som har kontor ved Fræna legekontor avd. Torget

Utfordringar:

• Samlokalisering av all legeteneste er ei utfordring då det ikkje er plass til alle legane i kontorene i Sentervegen. Delt lokalisering fører til meirutgifter då det er naudsynt med dobbelt opp av noko medisinsk utstyr.

Leverte tenester:

• Avdelinga har gitt tilbod til barn i alderen 0-16 år, og til vaksne med behov for tverrfagleg oppfølging eller heimebehandling.
• Kommunefysioterapitenesta har hatt til saman 13 treningsgruppetimar kvar veke. Det har vore stor pågang på gruppene, og ventetid på dei fleste av tilboda.
• Ein kommunal fysioterapeut har gitt tilbod til innlagte ved rehab.avd. 5 føremiddagar pr. veke. Ergoterapeut har ytt tenester i rehab.avd. etter behov.
• Ein kommunal fysioterapeut har gitt tilbod om lymfødem behandling etter tilvising
• Ergoterapeut har kartlagt brukarar sine behov i heimen, gitt hjelp til brukarar i hjelpemiddel-søking, hjelp med tilrettelegging av eigen bustad m.m. Ergoterapeuten har også gitt tilbod om ADL-trening, finmotorisk trening m.m.
• Frisklivssentralen får dei fleste tilvisingane frå fastlegar og kreftkoordinator, samt at brukarar tek kontakt sjølve. Sentralen har gitt tilbod til deltakarar i form av helsesamtalar, eigne treningsgrupper, Bra mat kurs for vaksne (x1), Bra mat kurs for barnefamiliar (x1), Diabeteskurs (x2) og Livslystkurs (x1). Treningsgruppene har i snitt hatt 8-10 deltakarar per gruppe, dei aller fleste er damer og snittalderen har vore på ca. 50 +. Vi har hatt god oppslutning rundt dei fleste kursa, med deltaking på rundt 8-15 stk. per kurs.

Forbetringar:

• Oppstart av nytt treningstilbod for Seniorar i deira eige lokalmiljø; Sterk og stødig, januar 2018.
• Oppstart av nytt gruppetreningstilbod “Aktiv trening” til kreftpasientar, hausten 2018.
• Oppstart av gruppetilbod/ tematimer ved helsestasjonen til alle foreldre med barn i 8 vekers alder, mars-18.
• Tilbod om individuelle konsultasjonar for gravide med bekken- og ryggplager i samarbeid med jordmor, februar-18.
• Oppstart av Bra mat kurs til barnefamiliar i samarbeid med helsestasjonen, hausten 2018.
• Utvida tilbod ved Frisklivssentralen til også å gjelde barn og unge (i samarbeid med helsestasjonen), februar 2018.
• Vi har opna treningssalen på kveldstid for personar med spesiell avtale i butenesta og psykiatritenesta, våren 2018.
• Det tverrfaglege kvardagsrehabiliteringsteamet med 4 heile stillingar hadde oppstart i mars. Sjå eiga årsmelding.

Utfordringar:

• Stor etterspurnad på tenestene generelt og stort arbeidspress på dei tilsette. Behov for å auke stillingsressursane, både ergoterapeutar, kommunalt tilsette fysioterapeutar og fleire fysioterapeutar med driftstilskott. (Fysikalsk institutt)
• Låge kostra talnår det gjeld både fysioterapeutar og ergoterapeutar per 10 000 innbyggar. I 2016 var kostra talet pr 10 000 innbyggjar for fysioterapeutar i Fræna 7,4. I KG10 er snittet på 9,2 og for Molde 10,1, Eide 10,1 og Aukra 11,1. NFF tilrår 17 fysioterapeutar per 10 000 innbyggjarar for å dekke innbyggjarane sine behov. Kostratal for ergoterapeutar ligg også vesentleg under landsgjennomsnittet.

• Tidlegare utskrivne pas. Jfr. samhandlingsreforma har resultert i fleire og dårlegare pas. på ventelistene.
• Same behandlingstilbod som tidlegare år, individuell behandling og gruppebehandling
• Det er innført prioriteringsnøkkel og nytt system for nye tilvisingar.
• Instituttet hadde 105 avvik på overskriding av ventetid jfr prioriteringsnøkkel -nasjonal standard.
• Vanleg ventetid har vore 6-8 veker, for prioriterte plass i overkant av 2 veker.

Leverte tenester:

• Frå NAV hjelpemiddelsentral er det motteke og levert vidare 1702 hjelpemiddel mot 1380 i 2017.
• Avdelinga har også ansvar for 130 alarmar. Når vi installerer alarmane, monterer vi også røykvarslarar knytt til alarmen. Vi er no i ein prosess med utskifting til nye digitale GSM-alarmar.
• Avdelinga har også ansvar for kartlegging av låsar i samband med overgang til elektroniske dørlåsar.

Det er registrert 103 nye brukarar i løpet av året. Vidare er det stort forbruk av hjelpemiddel som vi har på kommunalt lager.Dette fører til mykje utkøyring/innhenting, vask og vedlikehald.

Hendingar/Forbetringar:

• Hjelpemiddel forvaltninga fekk våren 2018 ny tenestebil. Køyrelengde pr år er omlag 20 000 km

Utfordringar:

• Stadig auke i arbeidsoppgåvene med fleire hjelpemiddel som skal leverast/reparerast/settast i stand.Meir arbeid med tryggleiksalarmar samt etter kvart dørlås, vil gi store utfordringar i 2019. Køyretid til og frå oppdrag, samt tid til installering/reparasjon av hjelpemiddel/tryggleiksalarmar, vil i større grad sette grenser for tenestetilbodet.Fleire brukarar vil måtte vente lengre før dei får den hjelpa dei skal ha, og sjansen for å få overliggarar på sjukehus vert større.
• Relativt mange administrative oppgåver for ei so lita avdeling er også ei utfordring.

Leverte tenester:

• Alle meldingar og undersøkingar vart gjennomført innafor frist også i 2018.
• Det same gjeld oppfølgingsbesøk og tilsynsbesøk.
• Tilsette har faste møter med barnehagane og helsestasjonen 2x pr år.
• Har gitt tilbod til 3-4 ungdomar gjennom «Kjør for Livet»Eit fritidstiltak med motorkross o.l

Forbetringar:

• Akuttberedskap – eigen barnevernsvakt i Fræna kommune starta hausten 2018 og skal evaluerast i 2019.

Utfordringar:

• Endringar i statleg barnevern har ført og fører til nedlegging av ein del statlege tiltak – utfordringar å etablere nye lokalt. Lokale tiltak eller kjøp av private vert ofte dyre.

Leverte tenester:

• Tenester vert sett i verk etter vedtak gjort ved forvaltningskontoret.
• 5 tenestemottakarar har BPA tilbod

Hendingar:

• Starta faste møte med Forvaltningskontoret

Utfordringar:

• Rekruttere personar til å gjennomføre tiltak – eks- støttekontakt/avlastning o.l.
• Gje alle som arbeider som støttekontaktar, BPA og avlastaroppfølging, tilbod om kurs og anna vegleiing.

Tiltaket Bøtunet avlastning:

Leverte tenester:

• Opent måndag – fredag, frå 08.00 – 20.00 . Avlastning 3 helger pr. mnd
• 11 tenestemottakarar i alderen 3-38 år. (7 jenter og 4 gutar)

Hendingar:

• Nytt samarbeidstiltak – skal administrerast frå avdelinga.
• Sett ned ei arbeidsgruppe som skal vurdere nye lokale til Bøtunet avlastning.

Utfordringar:

• Nye vedtak i avlastinga fører til meir behov for administrering av gruppa av tilsette, kontakt med pårørande og deltaking i ansvars/samarbeidsgrupper. Auka behov for administrativ ressurs.
• Nye vedtak i løpet av året fører til utfordringar i å halde budsjettet.
• Mykje skifte i personalgruppa av ulike årsaker, omsorgspermisjonar o.a.